【明報專訊】九龍西立法會補選候選人馮檢基噚日出席商台嘅選舉論壇，指《明報》專訪話佢自信拎到4萬票係誤會。佢話4萬票係明報嘅標題，如果睇番訪問內容，當時問嘅問題係選舉用幾多錢、競選費用，佢答政府會資助每票14蚊，「如果我拎到4萬票，都有50幾萬」，佢亦提到「如果到時我拎到1萬票，就傾家蕩產」。 Emily聽番當日訪問錄音，記者當時係問基哥經濟上能否負擔參選經費80萬至100萬元，基哥回應話「我𠵱家開始眾籌……你睇條數又不是太難計，我一定有信心起碼籌到30至40萬，我自己攞30、40萬出來，即60至80萬，另外政府有錢畀番你，14蚊一票，如果我攞4萬票就60多萬、56萬，5萬票就70萬」。記者追問基哥有冇信心攞到4萬票，佢回應「我冇信心就唔講呢個數你聽啦」。 不過，基哥噚日喺論壇上被人追問目標拎幾多票嘅時候，就話由選民決定。咁究竟係咪誤會，大家自行分析喇。
|
| |
| |
;)
