【明報專訊】特首林鄭月娥噚日發表任內第二份《施政報告》，約6萬字嘅報告全文同上年一樣，隻字不提「民主」。話深明住屋需求係政府最大挑戰嘅林太，就將「房屋及土地供應」獨立成章，報告中「土地」就出現咗71次。 同佢首份施政報告一樣，林太呢份亦隻字不提「民主」，只係話明白市民對「一人一票」普選特首嘅訴求，但貿然重啟政改令社會難以聚焦發展，今次報告就未如上年咁重申「在任內盡最大努力」喺人大「8．31」框架下營造有利氛圍；今年施政報告亦提及「港獨」，上年就無嘅，林太話佢同政府對任何鼓吹「港獨」，危害國家主權、安全及發展利益嘅行為絕不容忍。 至於國策「一帶一路」同「大灣區」，就分別出現咗23次同32次。演辭最後用3個「相信」作結﹕「相信」自己同政府有能力建設香港、「相信」香港各界會用自身優勢、「相信」國家係香港堅強後盾，港人一定會睇到希望。
|
| |
| |
;)
