范國威明報名 胡志偉撐場 趙佩玉同戰新東：神叫我參政
[2018.01.18] 發表
【明報專訊】新民主同盟范國威(Gary)昔日同民主黨有唔少「牙齒印」，好多人都關注民主黨會點幫Gary「抬轎」。Gary聽日就會去報名參加新界東立法會補選，仲獲得多名民主派人士出席撐場，包括民主黨主席胡志偉，不過屬民主黨新界東立法會議員嘅林卓廷就去唔到站台。阿廷話當日要主持立法會委員會會議，真係行唔開，「緣分嘅嘢真係無得講」，但強調已經祝福Gary勝選。
同樣戰新東、擁有工聯會同民建聯「雙牌頭」嘅鄧家彪，今日會報名參選。佢噚日獲得建制派立法會議員群星拱照影相支持，工聯會立法會議員麥美娟話，今次係場硬仗，大家一齊為阿彪打氣，強調香港需要理性同做實事嘅議員。
今次新東戰况激烈，除咗泛民建制兩大陣營代表對決，仲有其他人加入戰團。性傾向條例家校關注組成員趙佩玉噚日宣布參加新東補選。佢話反對設立「性別承認」制度，批評制度推崇「指男為女，指女為男」，至於參選原因，佢話「神叫我去參政……神叫我去新界東」。趙佩玉話目前未取得足夠提名，但相信上帝會幫佢。
陳玉娥促林鄭特赦七警
自稱「網絡紅人」嘅陳玉娥，前日已率先報名參選新東，娥姐同Emily講，今次選舉主打民生政綱，最大亮點係要求特首林鄭月娥特赦七警同朱經緯。娥姐笑言自己已經「爆紅」，但「勝選當中六合彩」。其他曾表態有意參選新東補選嘅仲有梁思豪、陳國強、劉頴匡、李德豪同方國珊。
更多港聞
蔣麗芸悄悄教「攬吓爸爸」出晒街 鄭泳舜：知道 前局長陳家強撐場
【明報專訊】立法會補選揭開戰幔，民建聯鄭泳舜噚日報名參選九龍西同舉行造勢大會，獲財經事務及庫務局前局長陳家強等撐場，當然唔少得民建聯一班兄弟... 詳情
【明報專訊】阿里巴巴集團主席馬雲上個星期喺香港浙商聯合會成立儀式時講過，話要「加大對香港嘅投資，加大在港嘅參與感」，噚日就即刻見到佢有所行動...
詳情
雙非童續升中 區內英中額吃緊 自行收生 北區鄧顯8爭1
【明報專訊】2018年9月入學的中一自行分配學位申請昨日截止，雙非學童陸續升讀中一，有校長指北區英中學額沒按比例提升，出現較多競爭。位於北區... 詳情相關新聞
