「車長瞓欄杆」相熱爆 九巴趁機宣傳

呢幅網上熱傳嘅相，見到呢個車長好穩陣咁瞓喺巴士站欄杆上，仲豎起一隻腳。有網民想起《神鵰俠侶》中嘅古墓派功夫，封佢為「現代楊過」。

九巴喺facebook出post宣傳，仲介紹車長休息室（圖），但唔少網民都要求九巴應該增加車長休息時間先係最實際。（「九巴專頁」片段撮圖）

【明報專訊】網上早前熱傳一張九巴車長瞓喺巴士站欄杆上休息嘅相，老實講，條欄杆咁幼，要企好唔郁都難，佢仲瞓得咁爽，即時被網民大讚係高手，有網民仲聯想起金庸名著《神鵰俠侶》中嘅古墓派功夫，封佢為「現代楊過」；亦有網民分析，咁樣瞓唔止要平衡力夠好，而且仲可能要一直用股溝夾實，肯定功力深厚咁話。

網民讚「現代楊過」好功夫

呢個高手真實身分至今仍係一個謎，但佢所屬嘅九巴，其公關噚日就把握機會，趁呢張相瘋傳期間，喺官方facebook出post宣傳，仲話「無論係古墓派定關公，練得一手好技術，服務大眾，這些機會真係屬於你㗎！」擺明食住個勢招「高手」做車長。

呢個post附有一條短片，唔少人以為片中車長就係「現代楊過」，點知睇完先發現中伏，原來係九巴搵咗幾個車長講番服務乘客嘅感受。最特別係其中一個受訪兼職車長嘅正職係民航機師，真係估你唔到嘅高手。不過，唔少網民都建議九巴應該改善車長福利，特別係增加休息時間先係最實際。

更多港聞

紅褲子出身 蔣東強升任中電總裁

【明報專訊】中華電力噚日宣布，現任營運總裁蔣東強（圖），將於6月1日起升任中電總裁，接替服務中電逾30年後退休嘅潘偉賢（Paul sir）。... 詳情

慶回歸 鄉議局營造新界10萬旗海

【明報專訊】好多建制團體都會舉辦各式慶祝回歸活動，鄉議局噚日召開會議，主席劉業強宣布會舉辦「旗揚新界家國情」活動，喺新界鄉郊各處掛起國旗同區... 詳情

討厭上學 靠自學考入史丹福 逃學孩子成科大高研院長

【明報專訊】科大高等研究院新任院長高漢安（Andrew Cohen），初中已因為討厭上學而逃學，父母只好帶他到博物館流連及讓他留在家中看一箱... 詳情

港不上學犯法 學者﹕難有條件自學

【明報專訊】教育大學客席副教授梁恩榮說，香港教育制度的問題，是很多時學生的學習不是出於自發；若要脫離學校系統自學，須有多項條件，惟以香港目前... 詳情

港大理學院擴科研培育計劃

【明報專訊】香港大學理學院將於2017/18學年推出「本科生科研培育中學校長推薦計劃」（下稱推薦計劃），讓科學成績優異、其餘學科成績中上的文... 詳情