【明報專訊】金庸嘅武俠小說陪伴唔少人成長，香港文化博物館首個以金庸為主題嘅展覽館下個月揭幕，同月5日仲請咗資深傳媒人才子陶傑同李純恩舉行交流會，分享相識點滴，如果想了解多啲金庸，就唔好錯過啦！
康文署話，呢兩名傳媒人同金庸交情唔淺，對金庸嘅事、筆下嘅武俠世界、人文精神、哲學思想等方面都有透徹了解，相信交流會可以帶大家細味金庸事迹。
呢個「金庸其人與故事交流會」將會喺下月5日(周日)下午3點至4點半喺文化博物館一樓劇院舉行，得300個名額，先到先得，有興趣入場就記住打電話2180 8260報名，講座當日中午12時起可以喺博物館地下大堂領取入場券。
;)
