浸大「校巴日」抗綠van霸權
[2017.02.04] 發表
【明報專訊】香港浸會大學學生會喺下周四(2月9日)舉行「校巴日」，抗議來往九龍塘地鐵站同浸大校園嘅專線小巴因獨市經營，而不斷加價，當日除咗提供兩條循環路線來往九龍塘地鐵站至浸大善衝及逸夫校園，亦會向校方代表及運輸署代表遞交請願信。
學生會批成日加價
位於九龍塘嘅浸大距離港鐵站大約有15至20分鐘路程，唔少師生平日都會搭25MS小巴來往浸大校園。小巴路線由新興運有限公司經營，今年車費加到4.7元(2016年8月14日至2017年8月13日提供優惠，全程4.5元)，唔少浸大同學認為加價唔合理。浸大學生會外務副幹事長湯偉圓話，呢條路線喺短短3年就由3.7元加價到4.7元，「條路程唔係好長，但就不斷加價」，今次「抗爭」係希望令更多同學關注。
浸大發言人話理解同學嘅關注，已要求運輸署將大學列入相關專線小巴票價調整嘅諮詢團體，畀大學可以就票價調整表達意見，佢又話大學早喺籌備2012年334新學制開課嗰陣，已探討申請開辦穿梭巴士嘅可能，但運輸署當時只批准一輛29座收費小巴喺繁忙時間行走，上客點亦遠離地鐵站，大學詳細研究後擔心可會令路面更擠塞，所以決定唔申請開辦。
更多港聞
大富翁公布由香港人投票選出嘅「大富翁：香港版」新版圖，22個地點中，太平山以高票當選成為最貴嘅「地王」，而新界區成為版圖上最大地域，有9個地...
詳情
相關新聞
