田少兩兄弟去滑雪 高處不勝寒
[2017.02.04] 發表
【明報專訊】香港因為特首選戰忙到不可開交，不過有兩兄弟就遠離是非之地，去加拿大滑雪兼過新年。新民黨副主席田北辰噚日喺facebook上載自己同哥哥自由黨榮譽主席田北俊嘅滑雪相。兩個人歲數加起身都超過百三歲，不過就唔認老，齊齊要挑戰最高峰「七重天(7th Heaven)」。20年冇滑雪嘅田二少上到去都即刻後悔，話大風兼零下25℃，10隻手指凍到冇晒知覺，認真係「高處不勝寒」。唔知係咪對最近特首選舉有感悟，佢就話做事從政，最緊要係「站得高，望得遠」，再凍都值得。兩兄弟更加「患難見真情」，感情似乎更加好咗，田二少話，都係親兄弟最開心，兩人約定好似費達拿同拿度咁，20年後一齊再決戰「七重天」！
更多港聞
相關新聞
