【明報專訊】專注青少年慈善活動嘅「百仁基金」噚日舉行理事會就職禮，現場雲集政界要人，包括特首梁振英(CY，中)、基本法委員會副主任梁愛詩同中聯辦副主任仇鴻等。CY致辭提到，要培育青少年，除咗家庭同學校層面，社會各個層面亦需要多方面培育。「百仁基金」不時推動青少年培育工作，CY話自己過去參加過唔少青少年活動，喺呢個瞬息萬變同較多元嘅社會，青少年對學校同家庭以外嘅事物認識較少，較易對社會嘅認識有一啲偏頗，所以相關培育工作係十分重要。圖為CY與出席者在台上祝酒。