陳浩濂山頂搞回收 兩噸舊物唔少貴嘢
[2016.10.24] 發表
【明報專訊】唔少人執屋時都會驚覺原來買落唔少嘢，無乜點用過就已放埋一邊，自由黨山頂區議員陳浩濂不時舉辦「循環回收大行動」，噚日佢就喺麥當勞道回收物品，足足收到山頂區居民捐出超過兩噸嘅衣物、電器及玩具等予救世軍。
不乏名牌衣物電器電腦
陳浩濂收到嘅回收物品中好多都仲好新淨，山頂區居民出名富貴，回收物品中亦不乏名牌，好似D&G、Hugo Boss、Brooks Brothers等衣物，仲有Samsung電視，Wii遊戲機、名牌行李箱及手提電腦等貴價物品。
喺立法會選舉中，陳浩濂循商界(第一)出選挑戰現任議員林健鋒但落敗，佢噚日舉辦回收活動時亦撞到商界(一)選民，原來係佢立法會選舉嘅支持者，對方就鼓勵佢繼續努力為社區同商界服務。
更多港聞
學校募捐赴葡 學生跳繩奪冠 老師封紅包資助參賽
【明報專訊】一條繩，展現耐力速度，也可跳出國際。就讀港九潮州公會中學中五級的洪澤林，7月在葡萄牙舉行的國際跳繩錦標賽取得個人花式冠軍及三分鐘... 詳情
相關新聞
