財爺曹星如拍片宣傳香港手語日
[2016.09.16] 發表
【明報專訊】財政司長曾俊華、勞工及福利局長張建宗、香港拳王曹星如，同埋一田前行政總裁莊偉忠等名人齊集一起，為首屆「香港手語日」拍攝宣傳片，推廣各界齊用手語。財爺仲用手語同大家講「你我都學習得到」。
香港聾人福利促進會將喺本月18日(星期日)舉辦第一屆「香港手語日」，希望可以促進無障礙溝通，讓聽障人士全面融入社會。
聾福會話，手語係好多聽障人士嘅「母語」，亦是佢哋同其他人交流嘅媒介。香港手語1950年代開始發展，但到咗今日，仲未有一個屬於香港嘅「手語日」。咁啱每年9月係「國際聾人節」，聾福會就定咗18號舉辦首個「香港手語日」，到時會喺全港5區設置互動攤位，向大眾宣揚手語。
更多港聞
相關新聞
