一哥抱恙開會不停咳 電腦勒索程式常變 警方認破解唔到
[2016.08.25] 發表
【明報專訊】警務處長盧偉聰噚日出席屯門撲滅罪行委員會，但佢一開場就同在場委員講唔好意思，仲同大家「報案」話自己喉嚨敏感，「一陣間如果我講講吓嘅時候有啲咳呢，大家唔使驚」。
一哥發言時都有幾聲咳，有好幾次要暫停發言，飲番啖水。喺個幾鐘嘅會議中，一哥發言時間差唔多佔咗七成，似乎都幾辛苦，所以會議完咗，一哥連傳媒提問都無答就走咗。
另外，今年年頭本港多間公司慘中電腦勒索軟件，騙徒透過軟件將受害者嘅電腦資料全部鎖住。一哥話收到唔少公司向警方報案、求助，但佢坦言騙徒嘅勒索程式千變萬化，連警方都破解唔到，「當我哋破解到第一代(勒索程式)時，騙徒已經進化到第三代」，提醒市民唔好打開可疑嘅檔案。
更多港聞
林卓廷「選情嚴峻」 港鐵登廣告 阿涂：佢將比自己更出色
【明報專訊】立法會選舉進入直路，唔少候選人都話選情告急，出選新界東嘅民主黨林卓廷，再斥資約30萬元，喺港鐵沿線包括紅磡至上水站及調景嶺等站，... 詳情相關新聞
