九西女將雲集 麗芸自詡聲靚 梁美芬：真人同宣傳相幾似
[2016.08.16] 發表
【明報專訊】「三個女人一個墟」，立法會九龍西選區15張名單中，有7張名單排頭位嘅都係女將，辯論起嚟都幾熱鬧，佢哋噚日出席商台選舉論壇時面對主持尖銳提問，都有唔少搞笑時刻。經民聯梁美芬被問到佢嘅宣傳圖片有無P圖，美芬坦言「小執係有，大執就一定無」，又自評「真人應該都同我宣傳相都幾似」。
主持又質疑，梁美芬做咗8年議員，點解早前仲要工聯會幫手催票？佢就形容自己同工聯會超區候選人王國興喺立法會係「剪布孖寶」，所以合作宣傳，話「做大事要求同存異」。
民建聯蔣麗芸(Ann)就被問到，立法會主席曾鈺成話佢聲音入咪「刺耳」，不過Ann姐就反駁，主席所講係「個咪刺耳」，又認為「我把聲幾好聽」，好多人讚自己唱歌「入咪」。而講到特首梁振英(CY)嘅缺點，曾喺立法會為對方僭建事件護航嘅Ann姐就話，同CY其實認識唔深，「只係工作上見過面」，唔清楚其為人，應「問吓佢身邊嘅人啦」。
輪到Ann姐主場時，佢連環向3名女候選人發問，包括公民黨毛孟靜、經民聯梁美芬及民主黨黃碧雲，問佢哋知唔知道財經事務及庫務局、勞工及福利局以及創新及科技局嘅副局長係邊個？佢仲話呢個簡單問題，錫住大家，可惜3人都答唔到。
九龍西其餘候選人名單仲有吳文遠、何志光、譚國僑、朱韶洪、黃毓民、林依麗、關新偉、劉小麗、游蕙禎、李泳漢、狄志遠。超區其餘候選人名單仲有涂謹申、李慧琼、鄺俊宇、何啟明、陳琬琛、關永業、梁耀忠、周浩鼎。
更多港聞
「大肚為何不可去論壇？」 葉劉拍檔「火併」陳淑莊
【明報專訊】新民黨葉劉淑儀上周缺席選舉論壇，派出名單中兩名懷孕拍檔陳家珮同王政芝應付，港島其他參選團隊乘機以此攻擊，呢件事燒咗幾日都仲未完，... 詳情
【明報專訊】恒生青少年舞台「時光倒流香港地」將於9月9日至11日喺香港演藝學院戲劇院上演，講吓以前嘅香港係點、當年香港人點樣面對挑戰等，一班...
詳情
【明報專訊】《大公報》噚日喺頭版以「深入追蹤調查」報道，指本土民主前線梁天琦同黃台仰有一架近30萬元嘅Audi房車代步，又話梁獨居港島東月租...
詳情
相關新聞
