了解草根搵靈感 小演員試做明哥伙計
[2016.08.16] 發表
【明報專訊】恒生青少年舞台「時光倒流香港地」將於9月9日至11日喺香港演藝學院戲劇院上演，講吓以前嘅香港係點、當年香港人點樣面對挑戰等，一班小演員為咗搵靈感，今日就會去到「深水埗明哥」間茶餐廳體驗一下，了解基層工作。
呢班小演員係千禧後出世，相信佢哋未必明白1960年代嘅香港係咩地方，亦唔明白點解上一代人成日講香港情、獅子山精神等。佢哋今日會去明哥間茶餐廳搵答案，成為明哥嘅左右手，斟茶遞水、傳菜執枱，以體會深水埗基層嘅生活同工作。同場20名小演員又會到排檔林立嘅鴨寮街，快閃演出街頭熱舞，為勞碌工作嘅深水埗街坊獻上一點甜。呢班小演員為咗演活劇中角色，更以聽粵曲、同父母話當年等方式偷師。
更多港聞
【明報專訊】《大公報》噚日喺頭版以「深入追蹤調查」報道，指本土民主前線梁天琦同黃台仰有一架近30萬元嘅Audi房車代步，又話梁獨居港島東月租...
詳情
相關新聞
