阻參觀者黃繩誤當阻議員 建制嘲泛民無常識
[2016.03.12] 發表
【明報專訊】立法會財會噚日審議高鐵追加撥款，為免有衝突場面，秘書處保安都嚴陣以待。唔知係咪太敏感，人民力量陳偉業前日喺facebook上載張照，發現秘書處喺會議廳內通道加咗圍繩，疑似想攔住衝出座位嘅議員。
不過，原來今次只係誤會一場，立法會秘書長陳維安噚日喺內務委員會解釋，以前公眾人士去會議廳參觀，都會喺會議廳拉起黃繩，唔畀公眾人士走入議員座位，呢個做法由來已久。佢又話，工作人員喺開會前已經攞走晒啲圍繩。
內會完咗之後，建制派議員就嘲笑泛民議員無常識、孤陋寡聞。經民聯林健鋒仲嘲笑 「呢啲咪叫指鹿為馬囉」，話陳偉業講嘢不盡不實，誤導大眾，好危險！
更多港聞
【明報專訊】喺北京嘅兩會仲有幾日就完結，港區人大代表開咗成個星期會，今日終於可以放假一日休息吓。人代劉佩瓊會帶隊，同幾個人代包括自由黨劉健儀...
詳情
相關新聞
