【明報專訊】早前facebook群組「支持梁振英！」驚見特首梁振英(CY)「被加入」成為管理員，引起網民熱議；Emily噚日睇過，發現CY已經唔係該群組管理員，而「支持梁振英！」群組數天內「變天」，除急增逾500名成員、即增至近1300人，當中不乏「黃絲」，而群組新帖文亦已變成抨擊CY為主。 勤奮型群組 管理員常發帖 Emily喺fb以「CY」、「梁振英」、「梁特首」等關鍵字搜尋，發現有8個撐梁群組，當中大部分群組不太活躍，亦有群組定期舉辦活動供網友參與。最有人氣嘅係「SUPPORT CY LEUNG」，多個成員發帖文，話題亦緊貼時事，成員踴躍讚好及回應，去年還有舉辦「派『齊心』月曆第四年聚會」；勤奮型應屬「香港需要梁振英」，管理員經常將CY個人facebook發嘅帖文轉發到群組中，雖然大部分帖文係0個回應或讚好，但管理員都盡咗職責。 至於「支持梁振英當特首關注組」，成員人數逾5000，雖然人數大幅拋離其他群組，但成員唔活躍，僅有網民「Mark Lam」不停發文，亦鮮見有讚好或回覆。「撐特首梁振英網群」、「熱愛香港，撐梁特首」兩群組亦不活躍，只有同一個「Mark Lam」發文。其他群組仲有「『700萬人是一家』，支持梁振英參選特首(非官方公開群組)」及「七百萬人是一家支持特首梁振英(support CY to Hong Kong)」。
|
| |
| |
;)
