CY開fb講花菓樹木 網民不滿冇得留言

梁振英噚日以童軍總領袖身分出席香港童軍大會操，佢喺網誌話，2014年施政報告中提出對童軍增加一倍嘅恒常資助，已經落實，希望童軍總會可以組織更多對外活動，讓香港同外地青少年互動互勉。（蘇智鑫攝）

特首梁振英嘅個人facebook戶口噚日開張，但至噚晚除咗幾張花相，乜嘢都無得睇；唔少網民對於唔可以留言感到不滿。（「CY Leung」facebook圖片）

【明報專訊】特首梁振英(CY)曾經講過上任後會繼續「拿着一張櫈，一本簿，一支筆，和我的管治團隊走入群眾」，CY噚日終於實現走入群眾嘅「承諾」，就係化身「鍵盤戰士」開咗facebook帳戶「CY Leung」，走入網民嘅世界。CY嘅「處男post」係同大家分享平日種嘅花，仲話「今日開個FB會同大家分享花菓樹木和生活照片。希望大家欣賞」。

市民未知戶口真偽 憂網上騙案

CY開fb，網民反應梗係大，但似乎未係好收貨，因為CY唔add嘅人只可以睇，唔可以留言。唔少網民就轉移去政府新聞網發炮，因為政府網都喺fb幫CY宣傳。網民喺政府fb留言批評CY唔畀人留言，變相只係單向溝通，「唔係用黎(嚟)聽市民意見既(嘅)咩？ 淨係自己開post點解唔用返網站算？定係知道一定有好多人鬧佢，唔夠膽俾人留言？」

CY個fb戶口亦有「怪事」，下晝開啟後，好多人都唔知真偽，擔心係網上騙案，搞到要民政局政助徐英偉喺網上幫CY公布；而CY嘅fb下晝更一度停止登入，其後先刊出花卉相，至晚上又一度無法登入。

CY個fb剛開檔，噚日未有自我介紹等基本資料，其實CY可以學吓財爺曾俊華，起碼講吓自己嘅學歷同工作；又或者可以問吓阿女齊昕點玩fb。但最重要唔好喺返工時間玩fb，5點放工後先上載照片，費事被市民質疑啦。

第4年出席童軍大會操

另外，CY噚日以童軍總領袖身分，連續4年參與香港童軍大會操。佢仍然用網誌講話，指香港青少年日後嘅發展，更需要有廣闊嘅國際視野同密切嘅國際聯繫。

更多港聞

生日玩鼠戰中環 莫乃光成績躍進

【明報專訊】一年一度嘅「鼠戰中環」接力慈善賽噚日舉行，超過500個參加者一如以往，費盡心思打扮、設計佢哋嘅團隊服飾，令到噚日朝早中環好似嘉年... 詳情

環署路邊測廢氣 司機大佬留意

【明報專訊】揸車嘅司機大佬，會好留意喺路邊嘅影快相超速攝影機，但司機仲要留意多一個可能會影響佢哋嘅裝置。原來環保署喺去年8月起引入咗路邊遙測... 詳情

點解入梁班子？ 高永文話被CY政綱吸引

【明報專訊】食物及衛生局長高永文自從加入特首梁振英嘅班子之後，一直係民望評分最高嘅局長，佢噚日喺電台節目，就回首點解當初肯走入呢個「熱廚房」... 詳情

公益金百萬泳 吳宗權曬肌兼奪季

【明報專訊】「公益金會德豐百萬泳」已經連續第三年舉行，今年參賽泳手多過第一年成倍，噚日除咗紀律部隊、學校等派人組隊參賽外，政、商界都有好多名... 詳情

西藏影節中大借場多波折 學生:高層稱敏感 校方﹕按既定程序

【明報專訊】有關注西藏的團體自前年開始舉辦「香港西藏電影及文化節」，今屆將與中文大學學生會合辦，內容涉藏人「對抗中國壓迫」，惟學生會稱向中大... 詳情