鑽的最佳乘客 套票獎品變提子
[2014.11.03] 發表
【明報專訊】一直提供無障礙的士服務嘅「鑽的」噚日搞咗個「我們最喜愛的鑽的乘客」頒獎禮，表揚3位乘客喺孝心、守時同禮貌等方面嘅表現，得獎者可以獲得三日兩夜台北無障礙旅遊套票。其中一名得獎者葉太因為平時坐輪椅嘅爸爸過咗身，就算獲表揚，都無辦法享受無障礙旅行機會，所以大會改送咗一盒巨峰提子代替，希望葉太一家人可以一齊享用。
表揚乘客孝心守時禮貌
呢個選舉由司機、「台姐」同「鑽的」辦公室員工提名，提名葉太嘅司機大佬就大讚葉太等車時永遠有早無遲。葉太分享感受時話好多謝大家，話咁大個女第一次攞獎，雖然獎品變成一盒提子，但都感到欣慰。行政會議召集人林煥光頒獎時就話，希望社會繼續建設無障礙設施，令需以輪椅代步嘅人更方便。
更多港聞
【明報專訊】今個月16日係長者日，國泰同港龍都推出七五折長者特惠機票，國泰話今次優惠包括新加坡、悉尼同溫哥華等地，港龍嘅機票就可以去到福岡、...
詳情
【明報專訊】教育局長吳克儉又出埠喇，佢今日會率領教育代表團到德國同瑞士訪問5日，了解當地嘅職業教育制度，以及促進年輕人就業發展嘅方案，並會同...
詳情
【明報專訊】司機團體及中信大廈業主向法庭申請禁制令禁佔中阻路，除了是法律爭拗，也可是經濟科議題。有經濟科教師以反佔中者是否有權申索，向學生講...
詳情
相關新聞
