國泰港龍推七五折長者機票
[2014.11.03] 發表
【明報專訊】今個月16日係長者日，國泰同港龍都推出七五折長者特惠機票，國泰話今次優惠包括新加坡、悉尼同溫哥華等地，港龍嘅機票就可以去到福岡、台北、柬埔寨暹粒、布吉等地，兩間公司都提供頭等、商務及經濟客位機票，同樣今日起至24號出售，想同屋企嘅「老友記」去旅行就要留意喇。
國泰同港龍都話，特惠機票為香港同澳門長者(65歲或以上)提供，可以喺今日至出年3月31號出發，但唔適用於聖誕同農曆新年部分日子。想知有咩優惠、去邊度最抵，今日可以上兩間公司網址睇詳情，或打電話訂位(2747 3333)。
更多港聞
【明報專訊】教育局長吳克儉又出埠喇，佢今日會率領教育代表團到德國同瑞士訪問5日，了解當地嘅職業教育制度，以及促進年輕人就業發展嘅方案，並會同...
詳情
【明報專訊】司機團體及中信大廈業主向法庭申請禁制令禁佔中阻路，除了是法律爭拗，也可是經濟科議題。有經濟科教師以反佔中者是否有權申索，向學生講...
詳情
相關新聞
