【Emily】七欖激光煙火賀開閉幕 韓啦啦隊助興 RubberBand表演取消 欖總：時間安排限制
[2025.03.25] 發表
【明報專訊】國際七人欖球賽呢個禮拜五(28日)開鑼，今年賽事首度移師啟德體育園主場館上演。旅發局噚日宣布，為配合一連3日盛事，開幕禮將會呈獻激光投影表演，閉幕禮仲會打開球場天幕放煙火。賽事期間，佢哋請到人氣韓國棒球啦啦隊「起亞虎啦啦隊」嚟香港助陣。
開鑼日音樂騷改球迷村上演
球迷好期待，但歌迷可能好失望嘞。七欖期間原定有好多其他表演助興，但欖球總會前日就以「賽程及節目時間安排限制」為由，話周五開鑼日場內唔設現場音樂表演，取消咗本地樂隊RubberBand表演環節，仲話佢哋唔會再現身七欖，周五嘅現場音樂表演將改喺七欖球迷村上演，但會由其他樂團演出。
至於旅發局，就話比賽首日除咗有飛龍舞獅打響頭炮，開幕禮會有激光投影表演，會融合香港元素圖案，並呈現經典賽事場景。至於閉幕禮煙火，就會喺四方看台上蓋安裝28個發射點，多角度發射25米高嘅十色煙火，配合球場草坪上多支8米高火柱，為賽事畫上句號。
憑「三振舞」爆紅嘅韓國「起亞虎啦啦隊」其中7員亦獲邀表演，包括隊長金韓拿、劉世彬、朴星垠、千素妍、李昭旻、尹世麗同高嘉彬，賽事期間佢哋會表演應援舞，為球員打氣，又會喺主場館、體育園東面嘅七欖球迷村快閃表演，同觀眾互動。另外，來自英國同澳洲嘅欖球名將Ryan Wilson、Matt Giteau亦獲邀觀賽。
更多港聞
【Emily】食物援助申請年增7% 聖雅各募捐轉贈
【明報專訊】唔少慈善機構都有食物援助服務，其中聖雅各福群會話，受到經濟大環境影響，聖雅各福群會旗下食物援助服務喺過去6個月嘅申請人數按年同期... 詳情
【Emily】南丫電廠錄30鳥類 大白鷺磯鷸首現身
【明報專訊】發電廠唔一定污煙瘴氣，港燈由2011年開始，每隔5至6年都會為南丫電廠做鳥類調查，以推行維護生物措施。港燈董事總經理鄭祖瀛日前喺... 詳情
【Emily】司法機構開LinkedIn 不設留言
【明報專訊】本港法庭近年嘗試加強數碼化，司法機構噚日推出專業人士多用嘅社交網站LinkedIn專頁，半日內都有200幾人追蹤。司法機構第一個... 詳情
人文科書談假資訊均提國安 指刻意挑戰政府權威屬違法
【明報專訊】下學年（2025/26）起，取代常識科的小學「人文科」及「科學科」將在小一和小四級推展，首批課本近日通過教育局評審。本報比對人文... 詳情相關新聞
