【Emily】禁餵野鴿修例生效 最高罰10萬囚1年
[2024.08.02] 發表
【明報專訊】《2024年野生動物保護(修訂)條例》噚日生效，將禁餵野生動物嘅範圍擴展到野鴿，並提高非法餵飼嘅最高刑罰至罰款10萬元及監禁1年，同時引入定額罰款5000元罰則，進一步遏止非法餵飼活動。漁護署話，條例生效第一個月如果發現有人非法餵野鴿或野生動物，會先口頭警告，有關人等如繼續違規行為就會採取執法行動；9月1日開始就唔會事先口頭警告。
首月先口頭警告 食環房署都可執法
漁護署又話，修訂條例亦會擴大政府執法人員嘅人選類別，除咗原有嘅漁護署人員同警員外，食環署、康文署同房屋署嘅獲委任人員都可以就非法餵飼執法。
副環境及生態局長黃淑嫻、漁護署長黎堅明聯同民建聯立法會議員李世榮噚日到港鐵坑口站外宣傳新例。李世榮話，有人拎一大袋食物嚟，再刺穿膠袋慢慢漏出嚟畀野鴿食，相信有明顯動機。佢建議政府長遠考慮引入科技協助執法，例如善用閉路電視，或者以人工智能科技，搵出非法餵飼者，減輕執法人手。
更多港聞
【Emily】西九推新標誌「WestK」 稱顯文化樞紐地位
【明報專訊】西九文化區管理局推出新嘅品牌標誌「WestK」，取代原有嘅 「WestKowloon」品牌。西九話，重塑嘅品牌形象採用簡約鮮明嘅... 詳情
【Emily】喵坊創辦人葉文琪退任職務 仍是大股東
【明報專訊】本港唯一紙包飲品盒回收商「Mil Mill喵坊」創辦人葉文琪（Harold，圖）噚日宣布退任公司職務，但仍然係公司最大股東，「雖... 詳情
【Emily】「發哥名健鋒樣」fb周圍add人 當事人提醒：假帳戶
【明報專訊】影星周潤發與經民聯立法會議員林健鋒（Jeffrey）驟眼看來似乎無關係，不過Emily近日收到一個以「ChowYunFatt」為... 詳情
【Emily】李家超大仔代表恒生 出席貿發局蘇港大會
【明報專訊】貿發局本月底喺江蘇南京舉辦「蘇港高質量發展合作大會」，Emily留意到，除咗財政司長陳茂波、貿發局主席林建岳同江蘇省政府領導主禮... 詳情相關新聞
