【Emily】李家超大仔代表恒生 出席貿發局蘇港大會
[2024.08.02] 發表
【明報專訊】貿發局本月底喺江蘇南京舉辦「蘇港高質量發展合作大會」，Emily留意到，除咗財政司長陳茂波、貿發局主席林建岳同江蘇省政府領導主禮之外，特首李家超大仔李文龍(圖)會以恒生銀行行政總裁辦公室主任身分出席，擔任其中一個主題演講嘉賓。
據貿發局網上資料，今次大會由貿發局同江蘇省商務廳、省港澳辦合辦，李文龍工作嘅銀行係贊助商之一。其他演講嘉賓包括身兼政協常委嘅西九董事局主席唐英年、科技大學校長葉玉如、中電中國區總裁陳濤、江蘇省蘇豪控股董事長周勇。根據貿發局資料，今次大會係為港蘇兩地企業搭建交流平台同促進合作，圍繞金融服務、可持續發展、科技創新、文化創意授權等舉辦活動。主題大會之外仲有展覽、初創提案、商貿配對等。
更多港聞
相關新聞
