【Emily】星航之鑑 灣航要求全程扣安全帶
[2024.05.30] 發表
【明報專訊】新加坡航空一架飛機上星期二(21日)飛行期間遇上強烈氣流，飛機急降，一死數十傷。大灣區航空話，今日開始要求航班上所有乘客，就算安全帶提示燈號熄咗，全程都要扣安全帶；除咗廣播，機艙服務員如果發現乘客冇扣到安全帶，會主動提醒。
大灣區航空話，乘客可以喺安全帶提示燈號熄咗嘅時候用洗手間。新安排主要目的係希望有助加強乘客嘅安全意識，但又話係「非一項強制要求」。大灣區航空又話，從近日個別航空公司嘅事件可見，扣上安全帶能有效保護乘客，特別係當航班遇上難以預測或嚴重嘅天氣狀况，例如對流湍流同埋晴空湍流。
卡塔爾航空遇氣流 12傷
卡塔爾航空一架航機亦發生氣流事件，喺過去嘅星期日(26日)由多哈飛去愛爾蘭都柏林嘅航班，途經土耳其上空嗰陣遇強烈氣流，6名乘客同6名機組人員受傷。
更多港聞
相關新聞
