【Emily】LIV Golf周五粉嶺場開鑼 料吸6000人
[2024.03.06] 發表
【明報專訊】首次設香港站嘅LIV Golf職業高爾夫球巡迴賽周五(8日)至周日(10日)喺粉嶺高球場舉行，警方噚日話預計每日有近6000人入場，又話由於入場要掃描電子二維碼門票，為咗便利大家接受安檢，主辦單位會提早兩小時、即朝早10點就開放畀大家入場。今次高球賽獲大型體育活動事務委員會頒授「M」品牌認可，亦係文體旅局今年推廣嘅盛事之一。
警方話屆時會喺球場一帶，即係上水清城路、保健路、粉錦公路一帶實施人潮管理同交通管制改道，高球場一帶啲路比較窄，建議市民盡量搭公共交通工具或者主辦單位提供嘅免費穿梭巴士，而穿梭巴士可以喺港鐵上水站、九龍塘站、紅磡站、旺角站、鰂魚涌站同IFC上車。
如果市民揸車前往，就可以泊喺已被政府收番做公眾停車場嘅舊高球場公園，有2000至3000個泊位，只限有賽事門票嘅市民用，大會到時會查飛。如果搭的士去，只可以喺上水清城路落車再行去球場，球場或停車場一帶嚴禁停車上落客。賽事結束後，警方亦會因應情况實施人流管制，例如分批、分段離開。
更多港聞
【Emily】醫局成立工程拓展部 盧國華任總監
【明報專訊】醫管局噚日公布成立工程拓展部，同時委任曾歷任水務署長同渠務署長嘅盧國華（圖）出任工程拓展總監，專責統籌醫管局嘅基本工程項目。醫管... 詳情
港人子弟須返港英文口試 考評局：同校生不同組別
【明報專訊】中學文憑試（DSE）英文科口試下周二（12日）開考，當中兩間內地港人子弟逾百人須回港應考。考評局昨回覆，為確保考試公平公正，來自... 詳情
【明報專訊】資助特殊學校本月會獲發一筆過「優化照顧及支援津貼」，每校可獲10萬至80萬元不等，可跨學年使用至2026/27學年完結。教育局稱...
詳情
相關新聞
