【Emily】現身奉獻禮 坐足全場 林鄭曾蔭權同粉嶺教堂新翼有淵源
[2024.01.08] 發表
【明報專訊】屬於三級歷史建築嘅粉嶺聖若瑟堂，新翼啱啱起好啟用，前日舉行奉獻禮。本身係天主教徒嘅兩任前特首曾蔭權同林鄭月娥都有出席，坐足全場。直播片段顯示，林太同其他教友儀式後都有除低口罩，林太俯前作勢吻祭台。
根據教區禮儀委員會主席羅國輝神父解釋，平時教友唔可以上祭台，但按教會傳統，當日所有教友都可以上嚟，親吻代表基督嘅祭台。
主持儀式嘅天主教香港教區主教周守仁樞機提到，當年決定興建新翼涉及好多安排，「唔可以忘記，當時林鄭月娥姊妹係發展局長，佢幫咗一把，當時特首係曾蔭權兄弟，兩位都喺度，都多謝佢哋」。現場都響起一陣掌聲。
更多港聞
【Emily】樓宇復修資源中心 立體模擬甩石屎
【明報專訊】本港去年發生多宗舊樓外牆混凝土或批盪剝落事故，市建局喺土瓜灣設立首間樓宇復修資源中心，以互動及有趣嘅方式令市民明白樓宇復修嘅重要... 詳情相關新聞
