【Emily】「民調引用趨少」 民研電話調查改隔月做 指收費平台開設半年無人問津
[2023.12.28] 發表
【明報專訊】香港民意研究所(民研)噚日公布，將定期電話調查由每個月減至每兩個月做一次。總監鍾庭耀話，現時政策討論同傳媒報道愈來愈少引用具分量和客觀嘅民意數據，嘆數據作用不大，又透露民研收費平台開設半年，至今都無人肯付費下載民調數據。
香港民研現時每月做多個民調，包括特首民望。鍾庭耀噚日宣布，考慮資源同民調數據使用量，將各項定期電話調查減至每兩個月做一次。民研今年7月開設收費平台，不再公開部分調查數據，改為供公眾購買，惟鍾庭耀透露至今無人付款下載。佢認為現時政策討論同傳媒報道，愈來愈少引用具分量和客觀嘅民意數據，反映民調數據作用不大，又指新一屆區議會選舉，睇唔到開放社會引伸嘅民意訴求，「沒有數字可言」，普遍人只認為「平平安安又過咗喇」。
香港民研噚日同時公布年終民調結果，於本月以電話訪問501名香港居民，受訪者對本港過去一年整體發展嘅滿意淨值(滿意率減不滿意率)為-11，較去年上升9個百分點，數字為近年最高。不過，四成人預期香港來年整體會改善，較去年同類調查大跌17個百分點；認為發展會惡化嘅受訪者同為四成，較去年升11個百分點。
更多港聞
【Emily】海陸空部隊聯合巡邏 駐軍戰艇現維港
【明報專訊】解放軍駐港部隊噚日喺香港市區演練，出動海陸空部隊組織聯合巡邏，重點訓練部隊嘅快速策劃、緊急出動、特情處置、聯合行動等方面嘅作戰能... 詳情
【Emily】主動回應見報率低 話感遺憾 陳月明：為地區爭取到不少成果
【明報專訊】本報噚日報道一眾立法會議員今年傳媒曝光次數較去年下跌，其中見報率排第87嘅選委界別議員陳月明（圖）主動回應報道，話一直盡心盡力工... 詳情
【Emily】迪士尼6萬件玩具捐25非牟利機構
【明報專訊】唔知大家有冇收到心水嘅聖誕禮物？香港迪士尼樂園話，今年再舉辦名為「分享禮物．分享愛」嘅聖誕玩具捐贈活動，共捐出逾6萬件玩具畀逾2... 詳情
【Emily】孫玉菡認同留學係試煉 畀仔女決定
【明報專訊】勞福局長孫玉菡接受接受馬會刊物《駿步人生》訪問，主管勞工事務嘅佢自言係「阿勞」，「我嘅標準工時，係除咗瞓覺以外，因為很多時候腦袋... 詳情相關新聞
