【Emily】沈豪傑桂林度假 影低習考察語錄
[2023.12.27] 發表
【明報專訊】聖誕新年假期後，新一屆區議會會喺元旦宣誓，候任區議員放假之餘，亦要記住政治人物嘅身分。候任元朗委任區議員沈豪傑趁假期北上過聖誕，去咗桂林遊覽，本身係人大代表嘅佢，噚日喺facebook上載喺陽朔縣漓江保護人大代表聯絡站影嘅相，除咗一臉正經咁同聯絡站牌匾合照，仲影咗入面嘅展板，內容有國家主席習近平到當地考察嘅語錄，同埋歷屆人大代表嘅歷史，佢仲喺帖文度落咗「總有一間喺左近」嘅hashtag。
現任區議員柯創盛會過渡下屆區會，噚日佢喺facebook貼出日前參加觀塘民政專員為候任區議員舉行嘅培訓及預備會議時影嘅相，話會諗辦法處理好交通、房屋、醫療同市中心重建等問題，仲話開心見到同事已經整裝待發。候任將軍澳地委會界區議員張美雄都不忘宣揚自己嘅政績，噚日佢亦喺facebook話自己行山嘅時候，見到自己有份畀意見嘅茅湖山避雨亭。
更多港聞
【Emily】邱達根訪深圳科創學院 觀摩新產品
【明報專訊】聖誕普天同慶，有立法會議員就度過「工作假期」，其中科技創新界議員邱達根噚日喺facebook話，假期北上參觀咗深圳科創學院。佢話... 詳情
【明報專訊】今個月天文台相繼發出寒冷天氣警告同埋霜凍警告，大帽山仲喺冬至（22日）當日錄得零下1.6℃，係2021年1月以來最低氣溫。不過，...
詳情
相關新聞
