【Emily】8號生日掛8號波 吸風台長：關我事
[2023.10.09] 發表
【明報專訊】颱風「小犬」襲港，天文台噚日晏晝改發8號風球，撞正任內先後面對多個10號風球、有「吸風台長」之稱嘅天文台前台長岑智明生日。岑智明喺社交平台發文，講笑話：「吸風台長重出江湖：今日8號、又係我生日、一定關我事，哈哈哈。」
帖文出咗幾個鐘已吸引逾近千個「讚」同「笑」，有300幾個留言。唔少人祝岑智明生日快樂，有網民話：「你几(幾)有飛屎(面子)，隻小狗仔都要同你祝生日快樂唄！旺旺旺！」岑就覆佢「旺旺旺」。天文台前助理台長梁榮武都有留言，話自己仲勁，10年前11月8日生日時，咁啱喺菲律賓追風，感受到世紀颱風「海燕」嘅威力。
另一前台長、出名唔開冷氣嘅林超英，就乘機宣傳樂施會搞嘅氣候變化攝影展活動，話氣候變化唔係遙不可及嘅事，而是對脆弱群體實實在在嘅衝擊。
更多港聞
【明報專訊】港大將頒授名譽大學院士銜予8人，包括港大微生物學系講座教授袁國勇、中大呼吸系統科講座教授許樹昌，以及港大公共衛生學院院長前院長福...
詳情
【Emily】100煤氣調壓站智能化 年慳6000度電
【明報專訊】創新科技係大勢所趨，連煤氣調壓站都要智能化。煤氣公司話，喺各區100個調壓站引入物聯網，升級為「智能調壓站」，引入太陽能供電系統... 詳情
【Emily】「港深湘連睇條鐵」 鐵路迷近距離參觀
【明報專訊】立法會議員張欣宇噚日喺社交媒體分享，話8月中佢同一班鐵路迷參加「港深湘連睇條鐵」鐵路交流活動，北上追鐵。鐵路迷參觀咗港鐵（深圳）... 詳情
相關新聞
