【Emily】9點觀察 自言公司難請人「諗過停」 陳智遠：經濟差人才走 港人冇乜開心過
[2023.10.04] 發表
【明報專訊】政府喺中秋、國慶假期期間大搞「夜繽紛」活動，市民反應似乎唔錯，但不時分享對香港旅遊業等睇法嘅活現香港共同創辦人、前食衛局政治助理陳智遠(圖)噚日喺facebook話有9點觀察，其中提到中小企完全請唔到人，想復常做番生意都難；以佢公司為例，新冠疫情反而唔怕，但因為請唔到人，認真諗過不如停咗間公司休息一陣。
佢仲話，日常生活感受到經濟幾差，旅遊業復蘇又比其他城市慢，「香港好似已經無乜板斧，過埋黃金週，大家都無得再呃自己」。佢又話人才流失令香港各行業青黃不接情况嚴重，仲留喺香港嘅中產食飯見面再唔係問走唔走，「而係問幾時走」。
復蘇慢 「過埋黃金週無得呃自己」
特首李家超希望繼續吸納社會意見，但陳智遠話身邊唔少人都心灰意冷，「無心情同你出謀獻策，剩係想不問世事，你想點就點」；佢又話好多香港人都好壓抑好懨悶，「根本大家冇乜開心過」，雖然間中會見到「開心香港」字句，又唔消費都係因為見唔到前景，想留定個錢為將來應變，包括移民、送子女留學等。
總括而言，陳智遠話普羅大眾都過得「好辛苦」，對好多事好有意見，只係唔講出口。
更多港聞
【Emily】鄧炳強紗布護發炎右眼 「唔影響表現，應該」
【明報專訊】保安局長鄧炳強噚日出席立法會會議時，右眼用紗布遮住，保安事務委員會代主席簡慧敏甫開首就問候佢，要代眾議員邀請佢解釋咩事。鄧炳強提... 詳情
【明報專訊】民建聯噚日發表《人大政協工作報告》，表示民建聯今年2月起設立「人大政協辦事處」至今，接獲23,232宗查詢，當中近半、共11,3...
詳情
【Emily】水上天后廟「上岸」 原廟船擬改博物館
【明報專訊】有68年歷史、停泊喺銅鑼灣避風塘嘅全港唯一水上天后廟「三角水上天后廟」噚日終於遷移上岸，建成喺岸邊敬記船廠原址，今日起開放畀善信... 詳情
【明報專訊】中大醫學院院會喺禮拜六（7日）起一連6日舉辦年度健康展覽，今年主題係「從腸計議」，希望促進市民對消化系統疾病嘅關注同認識，例如脂...
詳情
相關新聞
