【Emily】見日本菜餐廳排長龍 領事謝港人對東瀛熱愛
[2023.09.15] 發表
【明報專訊】日本上月開始排放核污水，港府隨即禁止日本10個都縣水產品入口。日本駐港總領事岡田健一噚日出席「日本秋祭in香港」揭幕禮時致辭話，7月訪日嘅香港旅客人次有成22萬，已恢復到新冠疫情前水平，又話見到本港嘅日本菜餐廳依然大排長龍，好感激香港人對日本嘅熱愛。
岡田健一話，香港係日本一個極重要嘅合作伙伴，兩者喺多層面上有着緊密嘅經濟、人員和文化交流，佢希望「日本秋祭in香港」可以進一步鞏固日本同香港之間嘅關係。
今年秋祭已收到逾100份活動申請，佢話舊年活動仍受疫情防疫措施限制，但都有153項活動舉行，相信今年反應都會唔錯。
岡田健一亦對受近期風暴影響嘅香港市民致以慰問，而對於港府搞夜經濟，佢就話願意配合。被問到排放核污水對飲食業影響和港府限制10都縣水產進口事件，佢就話揭幕禮主角係推介秋祭，有合適機會再講相關議題。
第八屆「日本秋祭in香港」會喺10至11月舉行，有超過100項活動，涵蓋電影、表演藝術、藝術與工藝、飲食、體育、知識交流、銷售推廣等唔同範疇。其中香港日本料理店協會將於10月28日至29日喺維園舉辦秋日祭典，設美食攤位、遊戲及表演活動。
更多港聞
【Emily】今年度目標請50個AO 少過去年
【明報專訊】政府明日（16日）開始招聘政務主任（AO）、行政主任（EO）等6個職系，下月6日截止申請。近年AO離職情况嚴重，但今年度招聘目標... 詳情
【Emily】科學館新「古生物展廳」展最完整恐爪龍化石
【明報專訊】尖沙嘴科學館有新常設展廳開幕，「古生物展廳」今日（15日）起，展出超過100組各個時期嘅動植物化石標本同模型。展廳以「滅絕．新生... 詳情
【Emily】房協紅磡長者屋52開放式單位待租
【明報專訊】位於紅磡利工街8號嘅豐頤居係房協第三個「長者安居樂」項目，對象係年滿60歲嘅中產長者，提供312個單位，租住權費由120萬至26... 詳情
【明報專訊】本港牙醫人手短缺，工聯會提出參考港大深圳醫院模式，喺港深口岸區附近興建一間綜合牙科醫院，畀市民北上接受牙科診療服務。工聯會秘書長...
詳情
相關新聞
