【Emily】海牙國際私法亞太周會議 周一港開幕
[2023.09.08] 發表
【明報專訊】海牙國際私法會議(Hague Conference on Private lnternational Law, HCCH)下星期會喺香港舉辦亞太周會議，到時會有嚟自30幾個司法管轄區共200幾人出席，包括非洲、中東、拉丁美洲同埋太平洋島國等嘅代表，估計線上線下總參與人數超過1000人。
主辦方：對港法治信任一票
HCCH亞太區域辦事處法律官員高嵩話，喺香港舉辦有關活動，標誌住國際組織對香港法治投下信任嘅一票，對香港鞏固亞太區國際法律及爭議解決服務中心嘅地位充滿信心。
會議喺下星期一至星期四(11至14日)喺香港大學鄭裕彤樓舉行，主題係「司法公正與可持續發展之路：HCCH在互聯互通世界中的影響力」，主要係為嚟自各國嘅專家學者、法律從業者等提供探討國際法律問題同國際私法最新進展嘅論壇。演講嘉賓及學者仲會討論國際私法同HCCH喺亞太地區所扮演嘅角色、發展前景，面臨嘅挑戰同機遇。
高嵩話，與會者可以通過活動了解「一國兩制」下香港特區嘅法治優勢同多元化嘅爭議解決機制。
更多港聞
【明報專訊】杭州亞運會今個月23日就舉行，康文署噚日公布將喺當日至10月8日，喺轄下18區指定體育館設立「亞運直播區」播放亞運會賽事，畀市民...
詳情
【Emily】香港大馬學生交流 互相接待同遊兩地
【明報專訊】新冠疫情過後，今年暑假唔同機構都復辦交流團，其中恒生大學同馬來西亞南方大學學院、新紀元大學學院、韓江傳媒大學學院，搞咗14日兩地... 詳情
【明報專訊】特首李家超星期二（5日）公布今年10月1日會復辦國慶煙花匯演，當時佢未有透露會由邊一間機構贊助，答案噚日終於揭曉。政府發言人回應...
詳情
來年DSE擬手機簽到 校長：會確保考生自習休假前下載App
【明報專訊】考評局日前發出「供應和交付2800部手提電話」招標通告。局方回覆本報稱，為配合推行「第二代公開考試支援系統」，正採購智能手機，計... 詳情相關新聞
