【Emily】立會團訪杭州 鄭泳舜：港可學文旅融合
[2023.08.01] 發表
【明報專訊】立法會民政及文化體育事務委員會噚日展開為期四日嘅杭州職務訪問，一行16人到埗後嘅第一站係同杭州市文化廣電旅遊局交流，之後同浙江省人民政府代表見面。團長鄭泳舜話，杭州市有唔少文化產業園區，亦有好多相關旅遊產品，建議香港可以學習杭州市將文化同旅遊融合，又話希望兩地日後可以喺呢方面多多合作。
文化體育及旅遊局長楊潤雄都有參加立法會團部分行程。佢噚日同浙江省文化和旅遊廳副廳長許澎，以及杭州市文化廣電旅遊局黨組成員兼二級巡視員劉宇峰會面，商討浙江省同香港喺文化及旅遊方面嘅合作。楊潤雄亦喺前日參觀咗杭州國家版本館、良渚博物院和杭州大劇院，了解當地考古工作嘅成果。
更多港聞
相關新聞
