【Emily】收高球場 何君堯扯到黑暴仇富 話上屆政府「被帶風向」今屆難推翻
[2023.07.31] 發表
【明報專訊】政府計劃收回部分粉嶺高球場土地(舊場)事件，掀起好大爭論。立法會議員何君堯日前去高球場晨操兼拍片(圖)，就提出收地建屋建議嘅質疑，何律師仲將事件扯到同2019年反修例事件有關，話收地係因為2019年「黑暴」，有人激發社會矛盾，形成「憎人富貴厭人貧」嘅思想，若此思想喺別有用心、濃厚政治色彩嘅人身上，佢哋係「寧為玉碎，不作『古玩』全」、「將你嘅家當打爛佢」。
有網民批為有錢人發聲
何君堯以「古董陶瓷」比喻，話𠵱家差咁啲泥沙同磚仔做勞作，但有人話事急，所以將手上嘅古玩敲碎，磨成沙同石塊用嚟做住勞作先，形容呢種做法「反智」。何議員又話，上屆政府某啲官員或一啲諮詢委員會「唔小心地被人帶咗風向」而作出收地決定，但若今屆政府推翻上屆政府嘅決定「就好似唔似樣」。
何律師嘅片引嚟大批留言，唔少人表示支持何，但有唔少認證為「頭號粉絲」嘅支持者今次同佢唱反調，有網民話「這個高球會，如果可以把收會員的入會金。全部拿來幫下D(啲)貧苦大眾就好啦」；有網民話何係為咗班有錢人而發聲，「唔覺得你(何)都有咩政治智慧」。另有人留言得到唔少like，指「土地本身就係政府 點解收返都咁困難，咁大笪地方淨係畀啲權貴用黎(嚟)玩樂，香港星(升)斗市民點會得到安居樂業，中央政府擔心香港市民冇地方住搞到要住劏房係正確，實在太多權貴霸佔土地」。
睇番資料，何君堯曾就政府研究收回高球場動議投下反對票。
更多港聞
【Emily】資優學苑年辦逾300課程 育創科獎得主
【明報專訊】香港資優教育學苑嘅學員喜歡STEAM（科學、科技、工程、藝術及數學），亦有創意，16歲嘅學員潘潁霖幾年前去沙灘，發現塑膠污染問題... 詳情
【Emily】A4聯盟考察灣區 楊永杰倡准醫療券買內地醫保
【明報專訊】唔少立法會議員會趁暑假外訪，先後有人去福建、合肥、青島等地，今次就到「A4聯盟」議員張欣宇、梁文廣、楊永杰、林素蔚上星期去深圳同... 詳情
【Emily】專業女性選舉 包山后金盈等8人奪獎
【明報專訊】由城市女青年商會主辦嘅「2023年全港時尚專業女性選舉」噚日公布結果，今年有8個來自唔同界別嘅得獎者，包括「包山后」黃嘉欣、無綫... 詳情
【Emily】同千人跳舞慶回歸 劉震：展現港魅力
【明報專訊】香港回歸慶祝活動直到7月尾都仲未結束，由鄭泳舜、馬逢國議員聯合辦事處主辦嘅「千人共舞慶回歸」噚日（30日）舉行，集合咗超過40個... 詳情相關新聞
