【Emily】資優學苑年辦逾300課程 育創科獎得主
[2023.07.31] 發表
【明報專訊】香港資優教育學苑嘅學員喜歡STEAM(科學、科技、工程、藝術及數學)，亦有創意，16歲嘅學員潘潁霖幾年前去沙灘，發現塑膠污染問題嚴重，就同團隊研發「環餐具」裝置，用手機應用程式(App)掃描機身二維碼就可借還不鏽鋼餐具，該設計於2021年奪得「城市創科大挑戰」中一至中三組別季軍。潘潁霖話，對設計和環保議題特別感興趣，希望未來職業能將兩者結合。
涵航空量子計算 另有家校工作坊
中五學生陳天祐今年初同團隊去以色列參加「破解保險箱國際物理錦標賽」，奪得3獎，包括綜合第三名。佢話特別珍惜呢次到國外參賽機會，仲可以與其他國家同樣對機械工程有興趣嘅同學交流，佢期望可以喺機械工程學科發展。
學苑每年開辦300至400個課程，為10至18歲本地資優學生提供校外資優教育課程，除咗一般STEAM課程，仲有好多學員平時少接觸嘅內容，例如航空科技同量子計算，目前學苑有逾8000名學生會員。由教育局資助嘅非牟利機構資優教育學苑，院長黃金耀接受政府新聞網訪問，話資優生唔一定成績拔尖，學苑會為教師同家長舉辦課程同工作坊，及早為資優生提供適切支援。
更多港聞
【Emily】A4聯盟考察灣區 楊永杰倡准醫療券買內地醫保
【明報專訊】唔少立法會議員會趁暑假外訪，先後有人去福建、合肥、青島等地，今次就到「A4聯盟」議員張欣宇、梁文廣、楊永杰、林素蔚上星期去深圳同... 詳情
【Emily】專業女性選舉 包山后金盈等8人奪獎
【明報專訊】由城市女青年商會主辦嘅「2023年全港時尚專業女性選舉」噚日公布結果，今年有8個來自唔同界別嘅得獎者，包括「包山后」黃嘉欣、無綫... 詳情
【Emily】同千人跳舞慶回歸 劉震：展現港魅力
【明報專訊】香港回歸慶祝活動直到7月尾都仲未結束，由鄭泳舜、馬逢國議員聯合辦事處主辦嘅「千人共舞慶回歸」噚日（30日）舉行，集合咗超過40個... 詳情相關新聞
