【Emily】探監者等候區收風：大欖女懲教所私飯 打風唔送餐照計錢
[2023.07.22] 發表
【明報專訊】早幾日打8號風球，一般人想出街搵飯食都唔容易，監獄都係。立法會前議員邵家臻不時去探監，佢噚日喺社交平台話，等候區先係監獄嘅「資訊中心」，會聽到好多關於監房嘅嘢，例如原來打風落雨嘅時候，大欖女懲教所嘅私飯供應係唔會送餐，但係會照計錢，而理由係「一向如此」，而且之後仲會加價𠻹！
藏過量朱古力 鄒幸彤獨囚7日
邵家臻早前去大欖探前支聯會副主席鄒幸彤，了解咗對方近况，提到鄒𠵱家每日都會為法庭案件下工夫，寫完一本簿又一本簿，又會清楚記得一啲重要案件嘅審訊日期等。至於鄒幸彤本人就輕咗10磅，𠵱家體重55公斤(121磅)，而早排佢再被罰單獨囚禁7日，原來係因為藏有超出限量嘅朱古力，邵家臻仲話佢係「罪有應得」呢！
更多港聞
【Emily】參觀路署「組裝合成」升降機 議員盼「起得快啲平啲穩定啲」
【明報專訊】立法會交通事務委員會3個成員噚日去咗路政署，參觀署方點用3D打印技術，製成「組裝合成」升降機結構模型，預先喺廠房完成裝嵌升降機塔... 詳情相關新聞
