【Emily】馬會赤柱戶外訓練營重開 水上活動增
[2023.07.20] 發表
【明報專訊】馬會撥捐1.4億元重建嘅「香港青年協會賽馬會赤柱戶外訓練營」今年終於落成，噚日舉辦開幕禮。營地由青協營運，重建後增添咗唔少水上活動和訓練，例如立划板、踏浪艇、水上充氣競技場等，畀青年人同弱勢社群有多啲享受水上活動嘅機會，預計可惠及4.9萬人。樓高4層嘅訓練營仲增設咗10間客房，提供83個宿位，預計每年可接待約2萬人。
特首李家超喺營地開幕禮致辭話，新營地可以舉辦多啲正向教育、領袖訓練、歷奇探索等活動畀青年人，又話青年係社會嘅未來，政府亦持續增撥資源培育佢哋對體育嘅興趣。
馬會董事楊紹信就話，體育及文化係馬會慈善策略重點範疇之一，新訓練營能為青少年提供多元化嘅水上活動體驗，有助鍛煉體能，培育正向思維。
推免費體育訓練 料3000基層受惠
馬會亦支持新訓練營舉辦唔同培訓計劃同水上體育活動，包括為弱勢社群提供免費體育訓練計劃，參加者會同獲配對嘅青少年義工一齊接受訓練，鍛煉體能，預計每年惠及逾3000名基層。
更多港聞
相關新聞
