【Emily】主持會議再「閉目」 馬逢國：瞓得差
[2023.07.13] 發表
【明報專訊】立法會噚日下晝審議提高亂拋垃圾同店舖阻街等罪行罰則，新思維議員狄志遠發言後，暫代主席嘅內會副主席馬逢國一度閉目養神，會議廳靜咗約6秒，其間秘書喺咪後輕聲提醒幾句「主席、主席」後，馬逢國先叫下一名議員發言。佢會後解釋前一晚瞓得唔好，強調無瞓着，「我其實係醒嘅，佢一講我已經即刻噏得出個名」。
馬逢國話前一晚瞓得唔好，凌晨醒咗3、4次，加上噚日比較遲食晏，有啲飯氣攻心，但強調瞇埋眼只係「一兩秒嘅事」，「我其實係醒嘅，佢一講我已經即刻噏得出個名。其實係瞇埋隻眼，真係唔係瞓着」。佢話日後開會前會盡量瞓好啲，或者食「刺激啲嘅食物」保持精神。
Emily睇番資料，去年底馬逢國主持會議期間曾「釣魚」，佢當時亦解釋自己唔夠瞓。
更多港聞
【明報專訊】警方國安處本月初公布懸紅通緝8名身處海外並涉干犯《港區國安法》嘅港人，包括前香港眾志創黨主席羅冠聰、新民黨議員容海恩嘅家翁袁弓夷...
詳情
【Emily】林健鋒劉業強獲勳 請食燒豬謝支持
【明報專訊】立法會經民聯（商界一）議員林健鋒、鄉議局主席劉業強分別獲政府頒授大紫荊勳章及銀紫荊星章，佢哋噚日趁立法會「放暑假」前最後一次大會... 詳情
閩僑停收中一 擬稍後變營辦模式 2026停運津校模式 中一二生將派他校升高中
【明報專訊】創校46年的北角津校閩僑中學因為收生不足，本學年中一級不再獲教育局「按班資助」，改以「按人數資助」營運，僅6名中一生入讀。校方前... 詳情
機署辦中一STEM坊談疫下機遇 盼培養興趣吸才
【明報專訊】機電工程署計劃未來到數十間學校宣傳，並招募中小學生加入「機電青少年大使計劃」，其中上周在元朗商會中學辦講座及STEM（科學、科技... 詳情相關新聞
