【Emily】動漫節7?28開鑼 心姐cosplay赴會

動漫節大會舉辦首屆「Canvas Project 全民偶像選拔賽」，於7月31日動漫節舉行嘅決賽中一決勝負，圖中係最後十強其中5人，昨日介紹玩具攤位嘅產品，其中包括高達模型。（鄧宗弘攝）

香港品牌玩具協會集結19個品牌玩具公司參與動漫節，參展攤位有81個，除咗經典卡通人物，亦有充滿香港特色嘅Figure。（鄧宗弘攝）

為慶祝加菲貓45周年，場內會有印有加菲貓圖案嘅繪碟展售。（鄧宗弘攝）

【明報專訊】一年一度香港動漫電玩節7月28日(周五)至8月1日(周二)喺灣仔會展舉行，除咗動漫節同電競嘉年華外，同場亦有潮巨匠藝術玩具展，共邀請咗29位外地知名嘅Figure玩具設計師出席展覽同粉絲互動，仲搵咗佢哋為「Monchhichi 50周年」同「加菲貓45周年」設計紀念品，喺現場展售；今次仲推出咗一款特別門票畀鍾意潮玩嘅朋友，呢款「玩具回來！」Postcard收藏門票售價150元，包括一套40多張參展設計師嘅postcard，方便觀眾拎畀設計師簽名。

29玩具設計師赴展 售加菲貓紀念品

動漫節唔少得Cosplay，今年有來自日本、法國、馬來西亞等地嘅嘉賓到場，大會喺決賽頒獎日請到演員謝雪心現場cosplay，唔知心姐嗰日會扮邊個呢？另仲有與眾同樂環節，動漫節最後一日下午3時至完場前，觀眾只需要cosplay到場，通過登記及批核就可免費入場。

大會行政總裁梁中本話，希望畀觀眾同cosplayers多啲互動，加強氣氛。至於舊年嘅「限性感令」，佢就冇特別提及今年點安排，但強調只係為咗保護cosplayers，唔會對佢哋造成太大影響。

票價加至42元 特別版150元

另外，為紀念本地漫畫家黃玉郎入行60周年，場內會展出30幅佢出道以嚟嘅封面設計，以及30張重新繪畫嘅畫作。今年嘅參展商同展攤都較舊年增加，普通票價就加咗兩蚊至42元。梁中本話通關後帶嚟唔少新觀眾來源，又有助邀請世界各地嘅玩具設計師，相信人流比去年增加。

更多港聞

【Emily】美領事等赴立會酒會 廖長江：無講政治嘢

【明報專訊】立法會噚日邀請一眾駐港總領事出席交流酒會同參觀立法會大樓，有唔少曾關注香港立會選舉改制「收窄民主成分」嘅國家或地區代表都有出席，... 詳情

【Emily】快運派2.1萬張機票「塞車」 吸嬲千計

【明報專訊】機管局為響應政府推出嘅「你好，香港！」，透過本地航空公司向市民派發8萬張香港出發免費機票，香港快運（HK Express）噚日派... 詳情

【Emily】房協推減碳賺分換禮品 終極大獎Tesla

【明報專訊】房協本月至12月期間舉行「萬家減碳FUN獎賞」鑽禧社區計劃，噚日舉行啟動禮。計劃透過手機應用程式（App）「Zero2」，同逾5... 詳情

【Emily】獄中炙熱 邵家臻嘆Gary Fan變咖喱炒飯

【明報專訊】近月本港天氣好熱，立法會前議員范國威（Gary Fan，綽號咖喱飯）正因民主派「35+初選案」還押，另一前議員邵家臻噚日去荔枝角... 詳情

【Emily】警水上電單車下月試駛

【明報專訊】警方噚日喺facebook發帖及相（圖），指水警總區為提高海上安全同搜救能力，下月初開展「水上電單車試行計劃」，兩部水上電單車將... 詳情