【Emily】「我唔係爵屎，我係Hellosss」 羅淑佩讚Ian守規唔揸快車
[2023.07.11] 發表
【明報專訊】即將調任房屋局常任秘書長嘅運輸署長羅淑佩噚日接受商台節目訪問，討論有關的士服務嘅議題時，透露自己係男團MIRROR成員陳卓賢(Ian)嘅支持者，亦即係「Hellosss」。佢大讚Ian重視交通安全，又乖又守規矩，仲引述Ian之前受訪時提到，會聽媽咪勸告唔會揸快車，即使工作時都要守規矩，最多預多啲時間。羅淑佩形容Ian「呢個小朋友實在太好」，而且仲識作曲，又代表過排球港隊，覺得應該支持。
另一MIRROR成員呂爵安(Edan)日前就發文分享call的士嘅不快經歷，話本身司機講8分鐘到，結果等咗20分鐘先上到車，上車後司機仲呻話塞車嘥時間。羅淑佩喺節目被主持人問及事件，佢話自己唔係「爵屎」(即Edan支持者)，但非常多謝Edan分享，認為的士司機應該要對邊一時段、邊條路塞車「心中有數」，如果遇到突發情况，要提前打電話畀客人，而且態度要有禮貌，唔可以將怨氣發泄喺個客身上。
至於有人批評Edan唔應該喺網上公開呢件事，羅淑佩就認為，如果Edan無公開的士車牌，就支持佢講出嚟，又話如果係遊客經歷咁嘅情况，對香港形象會有不良影響。
更多港聞
【Emily】中電推預測系統助修樹 免危及電纜
【明報專訊】中電舊年4月起啟用全港首個農林管理預測系統，結合地理資訊系統技術，記錄架空電纜範圍內超過17萬棵樹嘅資料同預測樹嘅生長，及早識別... 詳情
【Emily】調查：三成學生連打5個鐘機 最嚴重60小時
【明報專訊】暑假又嚟，唔少青少年都會打機度日。港專聯同中大嘅研究發現，31.8%受訪中小學生會連續玩網絡遊戲5個鐘或以上，個別嚴重個案仲狂打... 詳情
【Emily】「港式奶茶技藝」特別郵票7．25售
【明報專訊】香港郵政噚日宣布推出以「港式奶茶製作技藝」為題嘅特別郵票同相關郵品，包括一套4枚郵票、兩張郵票小型張同相關嘅集郵品，希望宣揚港式... 詳情
【明報專訊】在193間指定內地院校讀學士的合資格港生，昨起至9月8日可申請2023/24學年「內地大學升學資助計劃」。納入計劃的指定院校較2...
詳情
相關新聞
