【Emily】保育倡議學生賽 「大潭抽水奇蹟」奪冠

全港明日社區保育倡議比賽嘅冠亞季軍得獎隊伍喺台上領獎，獲獎同學可免費參加由大會安排嘅澳門古蹟交流團。（大會提供）

【明報專訊】半島青年商會噚日舉辦全港明日社區保育倡議比賽，有6組共30個來自唔同中學嘅中三至中四學生參賽，比賽要求學生就指定嘅本地歷史古蹟，例如中環「大館」同舊大埔警署等，提出佢哋20年後嘅保育同活化倡議方案。攞到冠軍嘅嘉諾撒聖方濟各書院同學構思咗「大潭抽水奇蹟」，方案係將大潭篤原水抽水站員工宿舍群活化做民宿、海邊cafe同水上活動用品租賃中心，方便辦紅樹林導賞團及童軍體驗日等活動，同學仔話，希望保留宿舍嘅廡殿式瓦頂同清水紅磚，體現中西合璧元素，同時為南區製造新旅遊景點。

據大會所講，比賽前期學生需參加古蹟保育考察團、城市及社區設計工作坊等活動，以啟發佢哋對古蹟嘅興趣同探究精神，同埋知道點樣將社會關注嘅議題融入古蹟裏面。評審之一嘅發展局文物保育專員蔣志豪形容，香港嘅古蹟資源豐富，現有132座法定古蹟；佢話保育好重要嘅元素就係認知，例如大館係由3座古蹟組合而成，分別係中央裁判司署、中區警署同域多利拘留中心，市民已經可以從中得知當時政府嘅縮影。

更多港聞

【Emily】36年官場感受 聶德權稱與抗疫有緣

【明報專訊】公務員事務局前局長聶德權喺「hpa何設計」季刊訪問，分享36年AO及問責官員生涯嘅感受，形容自己同抗疫結下不解緣。佢話，做緊公務... 詳情

科大生疫後續遊元宇宙「建校」 設計地標自由「加建」 報讀者讚如「打機」

【明報專訊】疫後大學校園復常，科大有學者延續網上教學元素，師生一同在元宇宙上課。科大修讀「工程團隊設計核心課程」（下稱課程）的學生，以3D設... 詳情

浸大科學節推廣綠色智能 吸700學生公眾

【明報專訊】浸大理學院上周五（7日）在校內舉行「科學節2023：走向綠色智能」，吸引約700名學生和公眾參加，活動包括各理科學系設置的綠色科... 詳情