【Emily】防疫鬆綁 「宜居城市」港升13位排61
[2023.06.23] 發表
【明報專訊】全球新冠疫後復常，經濟學人智庫(EIU)噚日公布2023年全球宜居城市排名，香港升咗13位，喺173個城市入面排名61。奧地利維也納、丹麥哥本哈根分別蟬聯冠亞軍，墨爾本由第10升到第3位；大阪維持第10位，成為亞洲最宜居城市。
綜合嚟講，香港宜居指數獲得88.1分(最高100分)，比上年高9.4分。EIU分析師接受CNBC訪問時話，由於防疫限制鬆綁，香港嘅生活質素同宜居度都大幅提升。
宜居指數由穩定度、醫療保健、文化及環境、教育、基建五方面評分，近期新上榜嘅城市之中，唔少係中國內地城市，大部分處於中游排名。EIU話，佢哋嘅醫療保健評分升咗，原因係醫保改革，嘗試令系統變得更公平。
隨住亞太區慢慢復常，排名升幅最大嘅頭10個城市多來自亞太區，如新西蘭惠靈頓躍升35名，去到第23位；吉隆坡都急升19名，排94位。另一邊廂，有啲西歐城市就無咁好彩，由於國內連串罷工示威，加上亞洲同中東地區急起直追，愛丁堡、倫敦、曼城、鹿特丹等城市排名都跌超過10名。
更多港聞
【Emily】孫玉菡空中飛索紓壓 楊潤雄飛甘肅祭伏羲
【明報專訊】唔少人噚日端午節去睇龍舟賽、游「龍舟水」，而政府高官各有節目，仲玩得好開心。好似勞工及福利局長孫玉菡、警務處長蕭澤頤、社會福利署... 詳情
【Emily】西九「紫荊花之夜」 千架無人機演繹端午
【明報專訊】噚日端午節，紫荊文化集團夜晚喺西九文化區藝術公園上空舉行「紫荊花之夜」無人機飛行表演，結合現代科技同傳統文化，透過繽紛燈光同澎湃... 詳情
【Emily】「不可獨食」 鄧炳強請實習生嘗九黃糉
【明報專訊】噚日端午節，相信唔少人嘅早午晚餐都總會食糉。保安局長鄧炳強噚日就喺facebook提到，好多朋友知佢鍾意食鹹蛋黃，甚至有個老友每... 詳情
【Emily】水上樂園辦「世界最大泳課」學防遇溺
【明報專訊】海洋公園水上樂園噚日端午節舉辦「世界最大游泳課」，近300名參加者喺樂園嘅天海灣，學習點樣換氣同掌握水中呼吸節奏等基本游泳技巧，... 詳情
相關新聞
