【Emily】梁美芬話工字有出頭 「英國搶緊我哋好多整水喉㗎」
[2023.06.03] 發表
【明報專訊】立法會教育事務委員會噚日討論職專教育、生涯規劃，喺中大政治與行政學系畢業嘅梁美芬就話，以前好少人讀政治，但𠵱家「冚唪唥去讀政治」，出現「重政輕工」嘅情况，無晒人讀社會真係需要嘅行業。佢認同政府重視職專發展，但認為有啲偏差必須正視，好似「工字不出頭」嘅觀念就太根深柢固，𠵱家係「工字有出頭」，仲話「英國搶緊我哋好多整水喉㗎」，所以好多年輕人都專門去學整水喉。
佢認為文憑課程畀社會感覺係有個專長、有門手藝、有職專嘅感覺，認為應建立好文憑個品牌。教育局長蔡若蓮回應話，認同社會對職專教育嘅價值要移風易俗，未來會通過唔同渠道宣傳。
講到生涯規劃，喺城大法律學院教書嘅梁美芬話，見過有學生讀完法律去酒窖工作，認為太少選擇好易令學生揀錯科，佢又認識一啲讀完海外名牌大學嘅人，仲埋怨緊中學太少科目選擇。佢認為同學生做生涯規劃時最緊要保留佢哋心中團火，「今時今日嘅年輕人同我哋當年唔同喇！」
更多港聞
【Emily】主題車站點解揀金鐘？ 黃鴨設計者暗藏心思
【明報專訊】如果大家返工返學經過金鐘站，一定發現已變咗「期間限定」嘅橡皮鴨主題車站，月台地面、扶手電梯、牆身都有出自荷蘭藝術家霍夫曼之手嘅橡... 詳情
【明報專訊】最近社會掀起有關器官捐贈嘅爭議，立法會率先帶頭下周三（7日）由衛生署喺大樓擺攤位，議員同職員可以即場登記做器官捐贈者，醫衛局長盧...
詳情
【Emily】首個太陽能停車場上蓋 迪士尼動工
【明報專訊】迪士尼樂園噚日為園區內嘅本港首個太陽能停車場上蓋項目舉行動工禮，將會喺行政大樓戶外員工停車場加建200千瓦嘅太陽能上蓋，搭建逾4... 詳情
【Emily】議員訪法院 廖長江容海恩坐法官位
【明報專訊】立法會司法及法律事務委員會噚日一年一度拜訪司法機構同參觀高等法院大樓，同終審法院首席法官張舉能、高院首席法官潘兆初、司法機構政務... 詳情相關新聞
