【Emily】中電鐘樓文化館開幕 舊鐘芯品味倒流時光
[2023.05.19] 發表
【明報專訊】中電位於旺角亞皆老街嘅前總部重建起住宅，但紅磚樓房設計嘅中電鐘樓會保育。呢個鐘樓喺1940年代興建，2018年被評為一級歷史建築物，𠵱家活化成「中電鐘樓文化館」，今日起免費開放畀公眾參觀，除咗可以欣賞到鐘樓嘅建築設計，仲可以睇到大鐘嘅原裝鐘芯同指針，而內部仲有不同展區，包括「電力世界」展示以前使用嘅電器繳費收據、1961年員工電費單等舊物，亦有歷代唔同嘅電器，例如舊式電飯煲、手提電子遊戲機等，好有時光倒流味道。
除咗電力相關展區，康文署轄下非物質文化遺產辦事處亦喺展館搞「人為．非遺」展覽，以「衣與履」、「裝與飾」、「字與音」3個主題，展現10項非遺項目，包括香港中式長衫製作、木家具製作、花帶編織、西金首飾製作、玉器製作、活字印刷等。
中電鐘樓文化館位於亞皆老街147號，逢周二、周三、周五至周日上晝10時至下晝6時開放。
更多港聞
【Emily】三度連任律師會長？ 陳澤銘笑而不語
【明報專訊】律師會噚日舉行周年會員大會，其間舉行儀式，將兩個資深律師胡寶星、周近智，仲有家事法庭法官陳忠基加入律師會榮譽律師名冊，表彰佢哋對... 詳情
【Emily】施俊輝陪北上 港深姊妹校疫後首交流
【明報專訊】教育局近年推動本港及內地學校締結「姊妹學校」，疫情後即安排學生北上交流。教育局副局長施俊輝（Jeff）噚日就同伊利沙伯中學學生一... 詳情
【Emily】陳祖恒中山裝開會 李家超大讚「帥哥」
【明報專訊】立法會噚日舉行首場「特首互動交流答問會」，經民聯嘅紡織及製衣界議員陳祖恒（Sunny，圖）身穿一套由本地設計師設計嘅中山裝開會，... 詳情
【明報報慶】主席獻辭：世局港情變幻 《明報》緊守崗位 世界華文媒體集團非執行董事兼主席張聰
【明報專訊】明日（5月20日）是《明報》創刊第64周年，此時此際，不明確氛圍籠罩全球，舉世事態變動不居，國際秩序破立爭持，情勢詭譎，如何在變... 詳情
【明報報慶】新坐標兩論壇 給年輕人一個夢 《明報》同政商文藝界齊繪文化願景
【明報專訊】《明報》與香港政商界在本年度（2022/23）攜手舉辦合共逾400人參與的兩場殿堂級文化論壇，在國家發展大勢中，為香港探尋文化定... 詳情相關新聞
