【Emily】回應家傭論 陳帆：想表達合約精神 收區議員反映唔舒服 認用其他比喻較好
[2023.05.09] 發表
【明報專訊】政府日前公布區議會改革方案，Emily報道港區全國人大代表、前運輸及房屋局長陳帆周日出席電台節目時，就以家傭比喻區議員，此番言論遭受區議員質疑。陳帆噚日就同Emily解釋，話其實無意冒犯，佢當時最想表達嘅係合約背後代表嘅精神，認為只要合情合理合法，而且符合當區居民期望嘅工作都應該去做，睇唔到有咩理由拒絕。不過，佢承認接到區議員反映，話對呢個比喻感到唔舒服，佢承認如果用其他比喻會比較好。
話訪問時間短難仔細講清
陳帆前日出席電台節目時，以家傭比喻區議員，話聘請家傭都有合約條文，如果家傭唔遵從僱主合法合理嘅要求，都可以被解僱，認為擔任區議員情况一樣，事後就被區議員質疑呢番言論有藐視之嫌。陳帆噚日解釋話，自己處理過家傭合約，一時間諗起，其實最想表達係合約背後代表嘅精神，並唔係想將區議員身分對照家傭。佢又話，因為訪問時間較短，難以仔細講清楚，但訪問完結後亦有再解釋。
同屬港區人大代表嘅沈豪傑就話，每個人都有言論自由，亦無聽聞其他人大代表有討論呢件事。
有人代話比喻唔理想 但陳不必再解釋
但另有人大代表私下同Emily講，認為陳帆嘅比喻唔太理想，指對方為官多年，思維可能有別於地區人士。不過，佢認為陳帆無必要再解釋，講得愈多反而令公眾討論有關言論，轉移社會對區會新方案嘅注意力。
更多港聞
【Emily】安達臣道倡建石礦公園 設「爆石區」有球場展品
【明報專訊】政府近年發展觀塘安達臣道一帶，噚日喺立法會民政事務委員會上，討論喺安達臣道興建安達臣道石礦場石礦公園，預算工程費用約8.3億元，... 詳情
【Emily】孫玉菡：先訂量貧指標 再傾減貧目標
【明報專訊】由工聯會立法會議員鄧家彪（右）主持嘅網上節目《理中有我》，最新一集邀請咗勞福局長孫玉菡（左）談精準扶貧。阿彪關注會唔會考慮制訂減... 詳情
【Emily】見政團解說區會改制 局長日跑幾場
【明報專訊】政府公布區議會改革方案，正在諮詢。民政及青年事務局長麥美娟、政制及內地事務局長曾國衞噚日下午連跑3場解說會，向民建聯、工聯會同新... 詳情
【Emily】回鄉度假掛住港美食 美領事得州搵茶樓「頂住檔」
【明報專訊】美國駐港澳總領事梅儒瑞（Gregory May）雖然返咗老家得州奧斯汀放假，但佢話不忘中式點心。佢喺美領館facebook話，自... 詳情
相關新聞
