【Emily】入境處1868熱線 在外港人可WhatsApp求助
[2023.04.04] 發表
【明報專訊】舊年爆出有詐騙集團誘騙港人去東南亞國家，逼佢哋做犯法嘢，保安局因而設立嘅WhatsApp專線5190 8909，噚日起停止服務。入境處同日宣布1868求助熱線增設WhatsApp聯絡功能，畀身在境外遇事嘅港人求助。
保安局求助專線同日停服務
保安局話WhatsApp專線5190 8909運作以來共收到3601個信息同194個來電，當中7個同東南亞求職詐騙有關，其餘大部分係一般入境事務查詢。由舊年1月至今年4月2日，香港執法部門共收到46名港人嘅相關求助個案，42人已確認安全，當中36人已返港，6人唔使進一步協助同跟進；餘下4人當中，兩個喺緬甸，兩個喺柬埔寨，佢哋人身自由報稱受限制，但仍然可以同屋企人或政府專責小組保持聯絡。
入境處繼早前推出1868熱線網絡數據電話功能同網上求助表格服務後，噚日1868求助熱線增設WhatsApp聯絡功能，在外港人可發短訊向入境處協助在外香港居民小組求助。入境處話會繼續引入其他社交應用程式運作嘅求助途徑，進一步提升服務。
更多港聞
【Emily】太空館新球幕電影 跟「航行者」探索星體
【明報專訊】香港太空館推出全新立體球幕電影《星際航行者3D》，觀眾可以跟隨美國太空總署喺1977年發射嘅航行者一號同二號太空探測器展開星際旅... 詳情
德信前校長涉瞞利益泄試題 串謀補習社董事 控公職失當今提堂
【明報專訊】油尖旺區傳統男校德信學校，前校長郭超群（圖）涉嫌於擔任校長期間隱瞞於一間自己曾借錢成立、在學校附近的補習社有財務利益，並與補習社... 詳情
【明報專訊】培正中小學今年7月將率團考察北極，一名家長及一名學生12天團費共收18萬元，早前掀討論。香港培正中學校監、香港極地研究中心創辦人...
詳情
相關新聞
