【Emily】話聖提女中校長不涉報道中的事 校監管浩鳴：是其是 非其非
[2023.03.01] 發表
【明報專訊】專欄作家屈穎妍(左圖)批評聖士提反女子中學校長阻止軍裝警入校處理學生危坐事件，該校校董會前日(27日)發聲明反駁有關說法不實，屈穎妍同日狙擊，話不滿校方未解釋有無出言拒警入校。身兼該校校監嘅立法會議員管浩鳴(右圖)噚日就出聲明，話「經調查，沒有發現校長涉及報道中的事情」。
屈穎妍前日撰文，點名提及校監管浩鳴，話據知校長向校監及校董會解釋最初拒警入內嘅原因，係怕軍裝警察「嚇親學生」，事後警察都入到校園，所以唔存在敵視警察之意。
噚日下晝管浩鳴就經校網張貼回應，話作為校監，對近日有關拒絕警務人員進入校舍嘅報道深表關注，強調經調查，無發現校長涉及報道中嘅事情。佢又話必定以「是其是、非其非」嘅態度，公平公正咁處理事件，校方定必全力配合警方嘅工作。
聖士提反女子中學上月14日因為有學生危坐，警方及消防人員到場協助，屈穎妍上周五(2月24日)喺網媒「港人講地」刊出文章，指控校長唔畀軍裝警入校，校方前日發聲明話對不實評述及指摘「深感忿慨」；屈同日再撰文話校方未回應校長係咪曾出言阻止，亦未解釋軍裝女警點解要披件非制服嘅外套入學校。
更多港聞
【Emily】警還1.6萬蚊禮券逾半過期 黃于喬「感謝」
【明報專訊】民主派初選案被告劉頴匡前年畀警方國安處人員扣查，佢女朋友黃于喬（Emilia）話當年警方喺佢屋企拘捕劉頴匡，仲喺佢屋企檢走物品，... 詳情
【明報專訊】民主黨辦春茗一波三折，之前承接生意嘅酒店或酒樓一係臨時甩底，一係就開席前話要「緊急維修」關門。不過，民主黨春茗未絕望，有民主黨人...
詳情
【Emily】陳沛良盼除罩後 不再被錯認劉智鵬
【明報專訊】新一屆立法會有唔少新議員面孔，戴上口罩後，市民就更難認人，其中選委會界陳沛良同劉智鵬不時被「點錯相」，有網媒甚至試過喺有關劉智鵬... 詳情
【Emily】美商貿署在港辦美容展 推銷美品牌
【明報專訊】美國駐港澳總領事梅儒瑞啱啱畀中國外交部駐港特派員公署「約見」，但事件無影響美領館喺香港做商貿推廣。美國商貿署日前喺香港同內地有駐... 詳情
【Emily】「油街實現」視藝展 舊倉庫內「翻浪」
【明報專訊】活化項目「油街實現」又有視覺藝術展覽睇，今次邀請咗3個藝術家用數碼科技同物料裝置做媒介，畀觀眾體驗遊走現實同虛擬世界。今日先推出... 詳情相關新聞
