【Emily】工聯倡買灣區閒置樓當公屋 吳秋北：簡約屋管理費可租當地三房單位
[2023.02.27] 發表
【明報專訊】全國政協同人大會議分別將於下月4號同5號喺北京開幕，工聯會嘅港區全國人大代表同全國政協委員噚日提出17項提案同建議，包括提出香港政府去大灣區城市，幫手買對方嘅閒置樓，然後用嚟做公共房屋，認為可以解決香港基層市民嘅住屋困難，亦可以推動大灣區融合。
港區全國人代、工聯會會長吳秋北話，香港「熟地」少，起公屋嘅建築成本高昂，以「簡約公屋」為例，推算每個單位每月管理費要2450元；同一價錢喺東莞、佛山等部分大灣區城市已可租到三房單位，面積最細都有700呎，所以建議容許港府「整體購買內地大灣區城市閒置商品房作為香港公共房屋」。
港人內地置業 黃國籲完善規管宣傳
工聯會理事長黃國話，隨住大灣區城市融合發展，愈來愈多港人返內地投資置業，但就衍生咗啲矛盾，如樓花項目爛尾等，所以建議做好港人喺內地置業嘅銷售規管同宣傳教育。佢又希望解決兩地政府文書互認問題，令出世紙、死亡證同「寡佬證」等喺兩地都受認可。
工聯會其他建議包括統一兩地驗車及保險整合標準、喺香港設立「廣東省民生事務一站通綜合服務中心」、喺港深口岸區域設立港式服務綜合牙科醫院等。
更多港聞
【Emily】尋根旅第二階段啟 懲教：學員將訪灣區
【明報專訊】懲教署「青年國民教育系列：尋根文化之旅」第二階段噚日開幕，安排超過50名青年制服團隊「更生先鋒領袖」同內地多個城市嘅青少年於線上... 詳情
【明報專訊】樂施會第38年舉辦嘅「樂施毅行者」，健兒喺上周五朝早分批起步，賽事噚日圓滿結束，最後衝線兩隊分別係0366同0431號隊，喺朝早...
詳情
【Emily】湖南考察組裝屋「活樓」 狄志遠：港未必完全啱用
【明報專訊】今屆政府推出以「組裝合成」建築法興建嘅「簡約公屋」，立法會議員何君堯日前聯同多名議員同各界人士到湖南長沙考察，了解遠大集團喺當地... 詳情
【Emily】林振昇問標準工時好處 ChatGPT提五大觀點
【明報專訊】人工智能（AI）聊天機器人ChatGPT自舊年11月推出以嚟風靡全球，勞聯主席兼立法會選委界別議員林振昇（圖）噚日都趕上熱潮，問... 詳情相關新聞
