【Emily】探基層 張國鈞憶住木屋歲月
[2023.01.24] 發表
【明報專訊】政府主要官員喺年三十至大年初二探訪不同地區多名長者及基層家庭，噚日朝早就有副律政司長張國鈞、民政及青年事務局長麥美娟、醫務衛生局長盧寵茂、署理創新科技及工業局長張曼莉去黃大仙樂富邨，到基層家庭和獨居長者家送上賀年福袋及節日祝福。
張國鈞喺facebook帖文話，小時候住過慈雲山木屋區，其後才獲公屋上樓改善家庭居住環境，對黃大仙區有住一份特別感情。佢話拜年時收到居民特別叮囑佢哋上樓對基層市民嘅重要，「我明白，特區政府問責團隊也清楚知道，所以必定會全力做好『簡約公屋』項目，改善市民生活！」長者見到局長們到訪都面露笑容，有街坊話1996年住到𠵱家，話邨內環境都好好。
更多港聞
【Emily】市局現金津貼 招募當區失業者 清潔隊為兼善里洗邋遢 惠及1400戶
【明報專訊】市建局行政總監韋志成噚日發表網誌，提到佢趁農曆新年前夕去深水埗「兼善里／福華街發展項目」（兼善里項目），了解市建局伙拍地區組織做... 詳情相關新聞
