【Emily】暫停近一年 懲教署恢復「加探」
[2023.01.17] 發表
【明報專訊】本報上星期報道，政府已取消大部分防疫限制，但懲教署仍以新冠疫情為由暫停在囚者每月兩次「加探」(額外親友探訪)。事隔一周，懲教署噚日(16日)宣布即日起恢復「加探」，代表在囚者嘅探訪安排大致回復正常。
懲教署去年2月暫停包括「加探」在內所有還押及在囚者親友探訪，其他探訪已陸續恢復，但「加探」一直暫停近一年，直至噚日先恢復。部分防疫措施仍然維持，所有訪客須於探訪當日做快速測試並取得陰性結果，填寫健康申報表申報，而確診在囚者須接受隔離，其間唔能夠接受探訪。
甘浩望大欖外靜坐 聲援鄒幸彤等女囚
另外，一直關注人權狀况嘅甘浩望神父，日前到赤柱監獄外靜坐，期望政府可釋放早前因民主運動而入獄嘅在囚者。甘神父噚日喺寒冷天氣警告下去咗大欖懲教所外靜坐，聲援正在獄中嘅前支聯會副主席鄒幸彤、前《蘋果日報》副社長陳沛敏、「35+初選案」被告余慧明等女囚犯。佢拉起寫有「家庭團聚 基本人權」同印有「FREEDOM FOR ALL」嘅橫額到場，促請當局盡快釋放因社運入獄者，畀佢哋回家過年。佢話雖然只有自己獨自聲援，但認為微小聲音仍有意義，可以畀獄中嘅人知道外界無忘記佢哋，「好過唔出聲」。
更多港聞
【Emily】年宵花市復辦 有檔主顧慮市道唔加價
【明報專訊】全港15個年宵市場，噚日起開放到大年初一（周日）凌晨。去年花市取消咗，今年復辦，但只有濕貨，無咗乾貨同熟食檔，Emily噚日下晝... 詳情
【明報專訊】李嘉誠基金會噚日喺facebook出帖兼上載咗一張影住遠處中環摩天輪嘅相，話係李嘉誠喺辦公室留意到中環海濱嘅「新春幸運摩天輪」開...
詳情
【明報專訊】政府統計處噚日公布，本港2012至2022年期間，就業人士名義平均薪金增長41.1%，即係平均每年增長3.5%，不過，扣除消費物...
詳情
【明報專訊】近日網上流傳聖類斯中學（小學部）校長吳錦聰的信件，題為「為母校籌募經費」，上款被遮蓋。信中表示學生人數持續減少，對非牟利私校造成...
詳情
相關新聞
