【Emily】李嘉誠基金會送飛 請醫護、外傭坐摩天輪
[2023.01.17] 發表
【明報專訊】李嘉誠基金會噚日喺facebook出帖兼上載咗一張影住遠處中環摩天輪嘅相，話係李嘉誠喺辦公室留意到中環海濱嘅「新春幸運摩天輪」開展，於是聯絡主辦方，贊助新冠疫情期間守護香港嘅醫護、服務香港嘅外傭同埋福利機構等，總共2.6萬人免費坐摩天輪及玩攤位遊戲。
據悉，基金會已聯絡醫管局、外傭組織團體、社聯，各提供8000張電子票。拎到飛嘅醫護同家屬，即日起至下個月10號都可以入場；外傭可以搵外傭嘅組織團體拎票，喺下個月12號入場；社聯亦會派飛畀旗下服務對象，喺下個月11號入場玩。
上網睇番資料，「新春幸運摩天輪」活動會搞到2月12號，場內除咗有攤位遊戲，仲有十二生肖花燈同新春燈飾畀市民「打卡」。
更多港聞
【明報專訊】政府統計處噚日公布，本港2012至2022年期間，就業人士名義平均薪金增長41.1%，即係平均每年增長3.5%，不過，扣除消費物...
詳情
【明報專訊】近日網上流傳聖類斯中學（小學部）校長吳錦聰的信件，題為「為母校籌募經費」，上款被遮蓋。信中表示學生人數持續減少，對非牟利私校造成...
詳情
相關新聞
