【Emily】環境局2022治鼠成績表 設夜間治鼠隊後 活鼠捉多57%
[2023.01.14] 發表
【明報專訊】捉老鼠係今屆政府其中一樣目標工作，噚日就公布最新成績表。環境及生態局發表2022年防治鼠患工作回顧，提到食環署舊年下半年清理咗總共42,114隻死鼠同活鼠，較上半年多約20%。局方話舊年7月??食環署成立19隊夜間防治鼠患流動隊之後，捉到嘅活鼠數目顯著增加，舊年下半年捉到27,728隻，較上半年多約57%。街市同小販排檔一向多老鼠，食環署舊年8月至12月喺公眾街市清理到總共8026隻死鼠同活鼠，較前年同期增加約56%。
至於針對衛生環境差、喺後巷處理食物同清洗器具、堆放雜物及違法棄置廢物等，食環署舊年發出咗約4.2萬張定額罰款通知書，檢控咗約1900宗。
公共屋邨方面，房署舊年10月喺有嚴重鼠患嘅屯門蝴蝶邨近蝶心樓位置試行咗幾樣滅鼠措施，包括喺高空監測鼠蹤嘅便攜式網絡錄像監察系統等，有關行動舊年11月大致完成，截至今個星期三(11日)共捉到371隻老鼠，監察系統約47日無偵測到老鼠出沒。分區民政處𠵱家喺4個區試驗緊喺「一次性公用地方清潔服務」中涵蓋滅鼠，下個月就會喺九龍城區試行。
更多港聞
【Emily】3鴿隔牆開新年檔 胡志偉同大家拜早年
【明報專訊】仲有大約一個星期就過年，民主黨前立法會議員胡志偉、林卓廷同尹兆堅因「35+初選案」還押緊，其中胡志偉團隊噚日探過佢，志偉仲託團隊... 詳情
【Emily】「Covid Virgin」葉劉赴星 3年首出國
【明報專訊】近月唔少議員出門外遊外訪，今次輪到行政會議召集人、新民黨主席葉劉淑儀，佢噚日出發去新加坡，以美國史丹福大學商學院校友會成員嘅身分... 詳情
【明報專訊】司法機構宣布下星期一（16日）會喺中環大會堂舉行法律年度開啟典禮。疫情之下，上兩年典禮都移師終審法院，2020年一屆就喺疫情爆發...
詳情
相關新聞
